Auður í allra þágu….

Á morgun er síðasti dagurinn minn sem þjónustufulltrúi í KB Banka. VÍJ
Þeim sem vantar því góða fjármálaráðgjöf er bent á að tala við mig fyrir lokun á morgun. Þar sem ég er svo himinlifandi yfir fyrirhuguðum starfslokum get ég þó ekki lofað fullri einbeitingu né mikilli hugmyndaauðgi.

Á morgun, eftir síðasta vinnudaginn minn, legg ég af stað út úr bænum og kem ekki aftur fyrr en eftir helgina. Planið er að fara í Skagafjörðinn og dvelja á stórbýlinu Flugmýrarhvammi í Akrahreppi. Fúsi og Matti eru búnir að liggja sveittir yfir skipulagningu hátíðarinnar og hafa lofað mörgum skemmtiatriðum en Erla hefur hótað að stjórna fjöldasöngi (úff).

Góða helgi!!

Á morgun ….

Grein eftir pabba í Fréttablaðinu í dag.

Það er góð grein á Múrnum í dag - Dómskerfi á villihraðbrautum.

Ég er reyndar ekki alveg sátt við það hve lítið er gert úr hættu e-tafla en ég er nokkuð sammála lokaniðurstöðunni.

Eftir fjóra daga læt ég af störfum. Ég get varla beðið!! Þegar maður er á annað borð búin að segja upp, er nefnilega ekki séns að maður nenni að hanga svona lengi áfram.

Um helgina fór ég í prufu á Kaffi Roma út af því að ég var að sækja um hlutastarf þar í vetur. Ótrúlegt hvað maður er ónýtur eftir að hafa verið í skrifstofustarfi þar sem maður situr 8 tíma á dag. Þetta hlýtur að vera mannskemmandi. Ég var svo þreytt í löppunum eftir 12 tíma laugardagsvaktina að ég íhugaði alvarlega að panta leigubíl heim (og NB það eru c.a. 500 metrar heim frá kaffihúsinu).

Annars er ég opin fyrir tilboðum um störf ef einhver er að útdeila slíkum.

4 dagar….

Ég er greinilega ekki að fylgjast nógu vel með þessa daganna. Alla vega fór ritdeilan milli Múrsins og SUSARA algjörlega fram hjá mér þar til núna. Rosalega er Hafsteinn Þór að fara furðulega leið í rökfærslu sinni.

Ég segi furðuleg leið vegna þess að ég hef aldrei skynjað neitt í skrifum né orðum Katrínar sem bendir til þess að hún misskilji lýðræði og fór því áköf að lesa en varð frekar en ekki fyrir vonbrigðum með orðræðuna.

Niðurstaðan er á einhvern hátt þannig að þar sem að Katrín er á vinstri kantinum hlýtur hún að vera með sömu skoðanir og Hjörleifur Guttormsson (því hann er líka vinstri maður). Því hlýtur Katrín að sjálfsögðu að vera sammála öllu því sem að Hjörleifur skrifaði undir fyrir 46 árum síðan. Og þar sem að Hjöleifur misskilur lýðræði (að mati Hafsteins) hlýtur Katrín að gera það líka.

Ég veit ekki hvort mér finnist sorglegra að svona málflutningur sé notaður eða sú staðreynd að hann hafi ekkert annað fram að færa en 46 ára gömul ummæli sem koma Katrínu ekkert við. En kannski er bara auðveldara að berjast við Kommúnista en að rökræða á vitrænu nótunum…

Jæja, þá eru stjórnarliðar enn einu sinni búnir að skipta um skoðun. Það verður gaman að sjá hvað kemur út úr þessu núna. Merkilegt hvað það er auðvelt að hætta allt í einu við eftir að hafa hástöfum rökstutt að þetta sé eina rétta leiðin (og að sjálfsögðu löglega leiðin).

Það sem að stjórnarherrum landsins ná ekki að skilja er að málið snýst ekki lengur um nein fjölmiðlalög og hefur ekki gert það síðan að forsetinn neitaði að skrifa undir. Fjölmiðlalögin eru einungis viðhengi í baráttu sem snýst um lýðræði og stjórnskipun landsins. Baráttu fólk sem bendir á að svona geta stjórnarherrar ekki hegðað sér og að svona hegðun verði ekki liðin.

Mikið væri nú gott ef að kjósendur myndu enn eftir þessu (ásamt öryrkjafrumvarpinu, Falun Gong, Útlendingalögunum, Kárahnjúkum, launahækkun Dabba, brotum á jafnréttislögum o.s.frv.) næst þegar þeir fara í kjörklefann…

Suma daga er maður bara í svo rosalega góðu skapi, jafnvel þó það sé mánudagur.

—————–

Annars fór ég á Blönduós um helgina og dvaldi í góðu yfirlæti hjá Erlu og Gumma. Ég plantaði mér upp í sófa í stofunni og skiptist á að lesa og horfa á videó milli þess sem ég át mér til óbótar. Ótrúlega notaleg helgi, þar sem lítið fór fyrir djammi.

Ég gerði reyndar heiðarlega tilraun til að fara út að skemmta mér á Blönduósi. Eftir eina og hálfa mínútu á Árbakkanum var Freyr komin með frekar skemmtilegt sambland af örvæntingar og fyrirlitningarsvip þannig að ég sá ekki annað ráð en að elta drenginn heim áður en hann skaðaðist alvarlega úr ó-menningarsjokki. Ég hélt nú að þetta fólk úr Skagafirðinum væri öllu vant en …..

Ég flutti Guðný Ebbu upp í hóp eðalbloggara. Það er merkilegt hvað daman getur skrifað skemmtilega.

Ég á, ólíkt Guðný Ebbu, mjög erfitt með að skrifa á persónulegu nótunum og flestar tilraunir mínar til þess enda með góðum skammti af delete takkanum. Á erfitt með að opna mig á netinu og finnst reyndar að það sé einfaldlega ekki allra, þ.e. fólk sleppur ótrúlega mismunandi frá slíkum tilraunum.

Stefnan er samt að gera svona 100 hlutir um mig lista fyrir haustið. Þetta er stærra loforð en það virðist því ég hef byrjað ansi oft en tilraunin endar yfirleitt í ruslafötunni þar sem mér finnst ég hljóma allt í senn - kjánaleg, væmin, bitur, reið, átti óhamingjusama æsku (sem ég átti t.a.m. ekki) o.s.frv. Ég er því klofinn persónuleiki hvað þetta varðar en hyggst fara að vinna í geðveilunni.

Ég var að lesa mér til um öll tækniundrin sem fylgja þessu MT - kerfi sem ég er nýbyrjuð að nota. Nú er ég komin með útlitið á síðunni eins og ég vil hafa það og get því farið að færa mig yfir í skemmtilegri pælingar.

Ég hef yfirleitt montað mig yfir að vera klár í heimasíðufikti og kann þó nokkuð í HTML, a.m.k. nóg til að gefa síðunni nýtt útlit. Það er þó aldrei verra að lesa sér til og ég varð frekar spæld eftir að ég skoðaði þetta “Our forum managers have compiled a list of guidelines that every forum user should read!

Jáhá! The Girlie Matters… sennilega ætlað fyrir heimskar gellur eins og mig.. en að sjálfsögðu ekki stráka. Hvað er málið ?

Afmælisbarn dagsins í dag er Erla Guðrún Gísladóttir.

Erlu kynntist á stuttri dvöl minni á Blönduósi en sú dvöl einkenndist aðallega af mögnuðum Fiskó-partýum og endalausum rúntum á rauðum Volvó. Eftir stórbrotna sumarmánuði hófum við nám á Sauðárkróki þar sem við þóttumst stunda nám næstu árin.

Read the rest of this entry »