Nú vantar mig einungis ábendingar um tannlæknanema með mikinn áhuga á kjörstjórnarstörfum og þá er dagurinn fullkominn.
Í boði er mikil vinna fyrir engan pening og nægileg (oftast tilgangslítil) rifrildi ef viljinn er fyrir hendi.
Ef neminn stendur sig vel er aldrei að vita nema hægt sé að luma nokkrum bjórum að greyinu.
Það er maður hérna í vinnunni hjá mér sem er alltaf að rífast við mig um pólitík. Við höfum bæði mjög gaman af því, hann er svona miðju-krati og ég eins og ég er.
Í dag ætlaði hann sko aldeilis að svekkja mig með því að ota því að mér hvað ég væri púkó. Hann kom úr sjoppunni og afhenti mér blað og sagði að hér væri nú loksins blaðið fyrir mig, blað sem hæfði mínum stíl og skoðunum. Ég leit á það í skamma stund og tilkynnti svo að ég þyrfti það ekki, ætti það heima, við hjónin værum áskrifendur.
Úff.. maðurinn stóð gapandi með blaðið í höndunum og neitaði að trúa mér og ég hélt ég gæti ekki hætt að hlæja (innan í mér að sjálfsögðu) yfir svipnum á honum.
Bændablaðið klikkar aldrei
Þetta er Drífumál augnabliksins og allir verða að kvitta.
Skrá sig á undirskriftalistann
Ég segi nú ekki annað en að Reykajvíkurlistinn er ekki alveg í náðinni hjá mér í augnablikinu. Þetta er ekki það sem Vinstri Græn eiga að standa fyrir! Mig minnir að ég hafi heyrt slagorð eins og frír leikskóli fyrir alla úr þeim herbúðunum en ekki “hækkum leikskólagjöld námsmanna”
SKAMM!!!
gleymdi alveg að benda á greinina mína á vinstri.is, hún er hætt að vera ný - er númer tvö á síðunni.. en engu að síður kíkið á.
Lenti í árekstri í síðustu viku. Svínaði fyrir bíl sem keyrði inn í hliðina á mér.
Ég slapp alveg ótrúlega vel, er bara pínu stirð og aum en ekkert brotið eða annað slíkt. Ég er með skemmtilega kenningu um það, þ.e. að ég hafi ekki náð að stirðna upp fyrir áreksturinn þar sem ég einfaldlega sá ekki hinn bílinn. Ég var því frekar afslöppuð þegar að höggið kom.
Ég mæli annars ekkert með klessubílaleik svona rétt fyrir próflesturinn. Ég mæli ekki heldur með svona aumingjaskap þegar læknar banna öll bólgueyðandi og vöðvaslakandi lyf vegan “ástandsins”. DARN..
Have you…
ever had a song written about you? Jah.. það er nú til lag sem heitir Auður er undarleg en ég get að sjálfsögðu ekki staðhæft að það fjalli um mig.
Reyndar er ég mjög sátt við lagaleysið því að einu sinni tók drengur upp á því að senda mér heilu kvæðabálkana um ást sína á mér nafnlaust heim til mín í pósti. Mér fannst það frekar krípí… og eftir að ég komst að því hver hann var varð ég frekar sorgmædd en glöð því þetta var einn besti vinur minn og ég hefði viljað halda þeirri stöðu áfram. Úff.. sorgleg saga.
had piercings?Ég hef gert ótal margar tilraunir til að fá göt í eyrun en ekki gengið. Ég er með svo þrálátt nikkelofæmi sem kemur sér ekki vel þegar það á að gata líkamann en kemur sér einkar vel til að kanna hvort að vinir og ættingjar eru nískupúkar eða ekki, þ.e. hverjir gefa EKTA gjafir og hverjir ekki.
Einu sinni fékk ég mér líka hring í augabrúnina. Það var mjög töff þar til ég greiddi hann úr mér - Það var einfaldlega sárt.
ever had a hard time getting over somone? Úff.. ég er dramadrottning í ástarsorgum. Lagðist í rúmið eftir fyrstu ástarsorgina (13 ára) og hélt í alvöru að ég myndi aldrei aftur verða hamingjusöm. Enda hef ég samið heilu ljóðabækurnar um ástarsorgir og þjáningar mínar á meðan að á þeim stendur. Ég var annars mjög efnilegt skúffuskáld af þessum sökum um tíma. Svo þurfti ég að vera svo óheppin að lenda á manni sem er ekkert á leiðinni að skila mér og eftir það hefur skáldskapargenið yfirgefið mig að mestu leiti.
ever been hurt? jú ætli allir geti ekki fundið einhverja sára minningar, sumar sárari en aðrar.
ever been in love? Jamm, ég hef verið skotin, hrifin af og ástfangin. Í dag er ég t.a.m. ákaflega ástfangin af manninum sem vaknaði fyrir allar aldir til að hita te handa mér og koma mér á lappir þrátt fyrir að hafa þurft að ná í verkjatölu handa mér um miðja nótt. Ég er enn ástfangnari af manninum sem fór út á undan mér til að skafa af bílnum og hita hann. Suma daga er hugsað ógurlega vel um mig.
had a medical emergency? Ég hef nokkrum sinnum fengið gat á hausinn, fótbrotnað og eitthvað svona smávægilegt sem ekki þykir frásögu færandi. Það merkilegasta er þó sennilega þegar að ég og Freyr keyrðum á greyið hrossið í Akrahreppi.
Það var svarta myrkur og engin umferð þannig að ég þurfti að leiða Frey greyið hálfblindann og aumingjalegan upp að næsta bæ þar sem að ábúandinn fékk vægt taugaáfall við að opna dyrnar. Það er í eina skiptið sem ég hef fengið að fara í sjúkrabíl og alles. Framhaldið var þó heldur óskemmtilegt því ég gleymdist á ganginum á sjúkrahúsinu (meðan allir voru að einbeita sér að Frey) þannig að ég tölti niður á vist alblóðug og rifin. Ég man þetta vel því þetta var á bolludaginn og vinkona mín skellihló þegar hún hitti mig, hélt að einhver hefði klínt sultu yfir mig alla.
swam in the dark? Ójá… bý á Íslandi, þar sem er dimmt meirihluta ársins.
got drunk? Hvers konar spurningar eru þetta eiginlega?
ran away from home? Já! mig minnir að ég hafi gert nokkrar fyndnar tilraunir til þess þegar ég var lítil. Þá setti ég eitthvað af fötum í svona lítinn sundpoka og labbaði út á Bjössaróló.
gotten beat up? Nei, í mínum vinahóp var það Drífa sem sá um það hlutverk.
beaten someone up? Nei, það var líka í starfslýsingu Drífu.
been onstage? Allt of oft. Ég var athyglissjúk með eindæmum á grunnskólaárunum og áleit það regin hneyksli ef ég fékk ekki að fara á svið og syngja eða dansa á hverri einustu skemmtun. Ég hef enn ekki fengið að gleyma öllum gloríunum mínum þar sem flest allt er til á myndbandi og dregið upp á endurfundnum bekkjarfélaganna. Í framhaldsskóla hélt ég áfram sýkinni en ákvað að hætta á toppnum eftir söngvakeppni framhaldsskólanna í Laugardalshöll (úff… sviðskrekkur dauðans).
been on radio or tv? Hef bæði verið í beinni í sjónvarpinu og útvarpinu, þannig að ég er búin með mínar 15 mínútur…
Meira um tónlist
what song makes you cry? Flest lög með Írafár… það er svo sorglegt band …..
Ef ég er aftur á móti svo reið að mér liggur við gráti get ég þó alltaf látið á Rage against the machine eða Skunk Ananasie og öskrað í stofunni hjá mér. Það er einhver skemmtileg tenging við gelguárin og alltofmikið hormónaflæði. Alvöru tár gætu hins vegar vaknað við lag Lisu Ekdahl - Du sålde våra hjärtan
what song makes you happy? úff.. erfiðasta spurningin! ég verð eiginlega mest glöð þegar ég heyri lag sem tengist skemmtilegum minningum s.s. hallærislegu sveitaballi eða enn einu kvöldi á rúntinum. Það skiptir þá ekki mestu lagi hvort lagið er gott eða hvaða lag það er yfir höfuð heldur tengingin við minninguna. Ég verð t.d. að viðurkenna að Saturday Night og Jack, Jack, Jacky geta kveikt gleðineistann.
_____________________________________________________________________
Það er ótrúlega merkilegt hvað maður getur tekið sér fyrir hendur þegar maður situr upp í Odda og nennir ekki að læra. Ég hef það samt mér til varnar að ég svaraði ekki öllum spurningunum í bréfinu.
Í dag eru nákvæmlega 7 ár frá því að ég bókstaflega réðst á strák í Miðgarði og kyssti hann á dansgólfinu.
Ég hef fengið koss frá honum nánast daglega síðan.
Er það frábært að Þjóðarbókhlaðan sé opnuð aftur á kvöldin í 11 daga ? Eða er það einfaldlega sorglegt?
Ég get ekki annað sagt en að í mér brjótist blendnar tilfinningar.
Ég komst ekki á fætur í morgun fyrr en eftir vænan skammt af hótunum, knúsum og freistingum af hálfu mannsins míns. Ætli hann myndi alltaf nenna að fara á fætur og gera kaffi og morgunmat fyrir mig ef ég héldi áfram að vera svona geðvond?
Svekkelsi dagsins er að ég er að vinna og kemst ekki á Landsráðstefnu SHA. Freyr er líka að vinna og getur þess vegna ekki verið augu mín og eyru heldur.
Ég legg til að við tökum upp fyrri siði og sendum bréf okkar á milli í stað tölvupósts. Ég fæ svo mikinn tölvupóst þessa dagana að mér yfirsést þessir örfáu mikilvægu.
Auður Lilja | 
11 29th, 2004| 