Auður í allra þágu….

Jólin voru góð í ár. Við hjónakornin nutum þess í botn að liggja í (aldrei þessu vant) hreina kotinu okkar, borða góðan mat, horfa á heilaskemmandi magn af myndböndum og lesa bækur.

Ég er nú þegar búin með Arabíukonur, Engla og Djöfla og er langt komin með Höfund Íslands. Engin af bókunum hefur valdið mér vonbrigðum. Sérstaklega verð ég að segja að bók Jóhönnu hafi komið mér á óvart. Ég var fyrirfram búin að afskrifa hana sem enn eina tilraunina til að afsaka meðferð á konum í þessum löndum, en reyndin er allt önnur. Bókin er góð, mun pólitískari en ég þorði að vona og í henni koma fram ýmsar hliðar á umræðu um stöðu arabískra kvenna, góðar og slæmar. Mæli eindregið með henni.

Ég dey!

Rétt’upp hend sem sá fallegu myndina af Frey í Mogganum að afhenda Geir H. Haarde og famelíu jólakalkúnin…

1. Fullt nafn? Auður Lilja Erlingsdóttir
2. Fyrirmyndin í lífinu? Mamma og pabbi að sjálfsögðu
3. Hvaða bók hefur haft mest áhrif á þig? Úff… eru það ekki bara bestu bækurnar hverju sinni. Það er ein bók sem ég las í skólanumeftir Anne Phillips, Politics of presence, sem situr alltaf fast í mér. En svo eiga aðra bækur stóran sess í lífi mínu s.s. Salka Valka, Atómstöðin, Glæpur og refsing og miklu fleiri.
4. Hvern myndir þú mest vilja hitta? piff bulluspurning ég er sífellt að hitta fólk sem ég vil hitta.
5. Uppáhaldsnafn (ef þú mættir velja þér annað nafn)? Sigurbjörg
6. Uppáhalds hlutur? Skápurinn minn og kommóðan sem ég rændi frá mömmu þegar ég flutti að heiman, trúlofunarhringurinn minn (svo sætur) og fallega tölvan mín.
7. Æskudraumur? Gefa út ljóðabók
8. Hvernig er tannburstinn þinn á litinn? Grænn minnir mig…
9. Hvað sefurðu yfirleitt marga tíma á nóttinni? 6-8 tíma
10. Leiðinlegasta sem þú gerir? Hanga í vinnunni og svara asnalegum prófum því það er ekkert að gera.
11. Ef þú fengir einn dag aleinn/alein, hvað myndirðu gera? Drekka gott kaffi, konfekt með því og lesa góða bók upp í rúmi.
12. Ef þú gætir skipt um starf, hvað sérðu fyrir þér að gera? Annað en að vera fátækur nemi - glætan!
13. Leyniuppskrift fyrir hæsi og kvefi? TE og aftur TE, helst með hunangi, engifer og sítrónu.
14. Uppáhaldsmatur/uppskrift? Humar í hvítloksolíu með sallati.. namm…
15. Manstu eftir “mómenti” sem breytti öllu í lífi þínu? Augnablikið sem ég uppgötvaði fyrst að það skipti engu máli hvernig fólki líkaði við mig ef ég væri sjálf sátt var nokkuð magnað.
16. Bugs Bunny eða Daffy Duck? Hvorugur
17. Skúrar þú heima hjá þér? Helst ekki, en jú það kemur fyrir
18. Hvar ætlarðu að eyða ellinni? Með góðu fólki, sama hvar.

JEI fyrsta einkunnin komin í hús!

Eftir 20 blaðsíðna heimapróf, sem þrír kennarar þurftu að fara yfir, bjóst ég einhverra hluta ekki við einkunninni fyrir jól.

Þá er bara að krossleggja fingurna og vona að hinar verði í sama dúr.

Annars skilaði ég af mér möppu í SÍÐASTA BÓKLEGA FAGINU MÍNU VIÐ HÁSKÓLA ÍSLANDS í gær…

Ef ég væri ekki bomm væri þetta tilefni til einhvers svakalegasta fyllerís fyrr og síðar.

Sjötta Harry Potter bókin kemur út 16. júlí

VÍJ

Þrátt fyrir allar mínar ræður um hvað það sé nú hræðilega leiðinlegt að troðast í gegnum ösina upp í Kringlu og eyða peningum í allt of dýrar jólagjafir ár eftir ár í stað þess að nýta tímann í afslöppun heima hjá sér sit ég nú við tölvuna og bölva örlögum mínum, að missa af þessu.

Einhverra hluta vegna hljómar ALLT betra og skemmtilegra en lærdómur og ritgerðarstúss í augnablikinu.

Mig langar í kaffi

Ég þarfnast kaffi

Ég nenni samt engan veginn að fara fram í eldhús og gera kaffi

Tröllið sem flutti í stofuna til mín fyrir nokkrum dögum er að fara að hypja sig norður í land bráðlega og eftir sit ég ein í stofunni minni, umkringd af ógnvekjandi bókum.

Það er nú samt ekki hægt annað en að hlæja þegar maður neyðist til að lesa um umræðu Neo-liberalista á tímum Thatcher sem börðust gegn reglusetningu um félagslegar umbætur á vinnuaðstöðu verkamanna á þeim forsendum að slíkt myndi leiða til verri stöðu þeirra sem síst skyldi. Afhverju? Jú af því að slíkar umbætur gætu t.d. leitt til útrýmingu hættulegra starfa og þá yrði greyið fólkið sem einungis fékk vinnu við stórhættuleg störf atvinnulaust.

HA? Þvílík ósvífni hjá þessu vinstri sinnaða pakki að ætlast til þess af vinnuveitendum að sjá svo um að fólk sé ekki látið vinna við stórhættulegar vinnuaðstæður. Hvað um frelsið!

Eftir að vera búin að halda uppi bloggsíðu í nokkur ár er maður orðinn nokkuð sjóaður í bransanum. Ég er búin að koma mér upp ákveðnum rúnti sem ég vil helst fara daglega og þeim rúnti tilheyra síður sem er haldið úti af fólki sem ég þekki ekki neitt en hef lesið bloggið hjá ansi lengi. Reglulegar heimsóknir á síður ókunnugra hafa skaðað mig svo um munar og um daginn, eftir að ég heilsaði manni (sem ég þekki ekki neitt) allt of kumpánlega án þess að fá nokkur viðbrögð til baka, fór ég að velta fyrir mér hvort ég væri orðin veruleikafirrt, þ.e. gæti ekki gert greinarmun á raunveruleika og tölvuveröldinni.

Vá hvað maður er nú orðinn furðulegur (og hallærislegur) þegar maður er farinn að kannast við fólk, heilsa því, eða jafnvel tala um það eins og maður þekki það… ja hann Óli Gneisti hann sko….

Piff hvað maður er ruglaður