Í fyrramálið flýg ég til Osló ásamt uppáhalds djammvininum í útlöndum, Þórhildi. Reyndar mun ég án efa sakna Sverris en hann var með okkur í síðustu reisu.
Í Osló ætla ég að dvelja í viku á Norðurlandaráðsþingi. Þar verður stundað stífa fundarsetu, plottað, sungið róttæklingalög, drukkinn bjór (því vatnið er svo óhollt) og undirbúið byltinguna.
Í tilefni dagsins skrifaði ég þessa grein á vinstri.is
Helgin var til fyrirmyndar. Það var sofið út alla daga, borðað enskan morgunmat, drukkinn bjór og verslað alveg óhugnalega mikið.
Við vorum á fjögurra stjörnu hóteli, Millenium hótelinu í Mayfair, rétt hjá Oxford street og í göngufæri við British Museum. Ég hef aldrei áður verið á svona fínu hóteli. Er vön að gista á farfuglaheimilum þegar ég fer út svo þetta var alveg ný lífsreynsla.
Það var samt óneitanlega ljúft að sækja Freyjuna á leikskólann áðan og knúsa hana. Nú fæ ég nokkra daga í rútínunni sem ég elska en svo liggur leið mín á Norðurlandaráðsþing í lok vikunnar og því dvel ég í Osló í viku.
*Freyja er farin í pössun.
*Íbúðin er orðin sómasamlega hrein.
*Vegabréfin fundin.
*Búin að pakka!
Nú ætlum við hjónin að skella okkur til London á árshátíð BYR(s) Sparisjóðs. Það mun vera fyrsta ferðin sem við förum tvö ein, lengur en sólarhring, frá Freyjunni. Usss… hún hefur gott af þessu …og við.
Kem aftur rétt fyrir miðnætti á sunnudag.
Úr viðtali við fráfarandi borgarstjóra í sunnudagsmogganum:
„Við vorum í samstarfi af fullum
heilindum. Og á meðan svo er, þá
tölum við ekki við aðra. Þannig
vinnum við sjálfstæðismenn, erum
ekki í baktjaldamakki”
múhahhahahhahahhahhah
Stjórnir Ungra vinstri-grænna og Ungra vinstri-grænna í Reykjavík fagna komandi meirihlutasamstarfi í Reykjavík. Þrátt fyrir að Sjálfstæðisflokkurinn hafi ekki verið við völd nema í eitt og hálft ár var löngu tímabært að koma hinum spilltu peningaöflum frá völdum í borgarstjórn Reykjavíkur.
Ein af forsendum þess að hið nýja samstarf gangi upp er að Björn Ingi Hrafnsson, borgarfulltrúi, geri hreint fyrir sínum dyrum í orkumálum Reykjavíkur sem allra fyrst. Einnig þarf Dagur B. Eggertsson að útskýra hvers vegna hann studdi það að völdum starfsmönnum Orkuveitu Reykjavíkur yrði boðnir kaupréttarsamningar í REI. Ung vinstri-græn telja Svandísi Svavarsdóttur hafa með framgöngu sinni að undanförnu sýnt að hún er og verður hinn eini sanni leiðtogi borgarstjórnar Reykjavíkur.
Stjórnir UVG og UVGR óska Reykvíkingum til hamingju með að hafa loksins fengið borgarstjórnarmeirihluta sem hefur meirihluta kjósenda á bak við sig, eins og vera ber. Ung vinstri-græn sjá ekkert athugavert við það að lýðræðislega kjörnir fulltrúar fjögurra flokka myndi með sér meirihluta og draga í efa að nokkurn tíma muni ríkja jafn mikill glundroði meðal nýs meirihluta og meðal borgarfulltrúa Sjálfstæðisflokksins að undanförnu.
Það er ekki sniðugt að verða veik og missa röddina á föstudegi vitandi það að landsfundur er framundan alla helgina. Það er ekki gaman að halda margar langar ræður hljómandi eins og hrafnsungi í mútum.
Eftir að tilraun mín til að drekkja veikindunum misheppnaðist á laugardagskvöldið gafst ég upp og mætti ekki meir á landsfund en frétti þó að ég hefði engu að síður verið endurkjörinn formaður í fjarveru minni. Húrra fyrir fólkinu sem var of þunnt til að gera uppreisn.
Ég hlakka óneitanlega til að starfa með þessu hugsjónarfólki sem var kosið í stjórnina með mér á komandi starfsári. Ég mun þó svo sannarlega sakna Elínar og Sverris enda hafa sjaldan heyrst aðrar eins barátturæður og sú sem Sverrir flutti á landsfundinum.
Mér er gjörsamlega fyrirmunað að rifja upp hvað það er sem ég á að vera að gera kl. 18:00 í dag.
Ég man hvað merkingin 13:00 SÓ stendur fyrir og 17:00 VON en hvar ég á að vera klukkan sex er hins vegar meira en lítið dularfullt.
Auður Lilja | 
10 25th, 2007| 
