Auður í allra þágu….

Helgin fór í að þvælast um Austurland. Þar var ég ásamt nokkrum öðrum vöskum UVG liðum með almennan áróður stjórnmálaskóla UVG sem var haldinn í Menntaskólanum á Egilsstöðum. Skólinn tókst afar vel. Sérstaklega var ég hrifin af ungu róttæku stelpunum sem mættu.

Um kvöldið fórum við út að borða á Café Nilsen og höfðum það mjög kósí. Eftir nokkra stund mætti fótboltalið KR á svæðið. Sumir strákarnir virtust halda að það væri mjög fyndið að vera með landsbyggðarfordóma og dólg. Þar sló einn drengur rækilega í gegn með því að neita að standa upp fyrir stelpu sem hann hafði rænt sætinu af. Gulla, ein af þessum hressu róttæku stelpum á Austurlandinu, setti upp gríðarlega sætt bross og hváði “Ó mæ god, þú ert svo kúl - viltu gefa mér five”. Greyið strákurinn vissi ekkert hvernig hann átti að bregðast við og hrökklaðist í burtu.

Seinna um kvöldið gerðumst við svo fræg að fara á eina skemmtistað bæjarins PEPEZ þar sem við skemmtum okkur fram eftir nóttu með KR-ingunum. Að vísu var lítið drukkið enda er þar að finna með dýrustu bjórum landsins en ég var mjög fegin daginn eftir þegar ég vaknaði úthvíld og sæl upp í sveit við ilminn af lambahrygg.

Þetta er með því skemmtilegra sem ég hef lesið!

Ungliðahreyfingar Samfylkingar, Vinstri grænna, Framsóknar og ungir stuðningsmenn Margrétar Sverrisdóttur ítreka mikilvægi samstöðu félagshyggjuaflanna í borginni og hvetja þau til þess að sameinast gegn upplausn í borgarstjórn Reykjavíkur út kjörtímabilið. Þessi samstaða er lykilatriði í því að úthýsa ruglinu úr ráðhúsinu.

Komið hefur í ljós að þessi skyndilegu og ástæðulausu umskipti byggja ekki á málefnaágreiningi heldur eru til komin vegna þess að sjálfstæðismenn í borgarstjórn eru tilbúnir að gera allt sem þarf til að ná aftur völdum eftir að hafa hrökklast frá vegna hneykslismála.

Nýr meirihluti verður auk þess óstarfhæfur vegna ósamstöðu meðal Sjálfstæðismanna og manneklu innan klofins F-lista sem eykur enn á óstöðugleikann í stjórnkerfi Reykjavíkur.

Reykvíkingar eiga betra skilið en að borgarstjórn þeirra leysist upp í baktjaldamakk og valdatafl. Nýr meirihluti var augljóslega myndaður á röngum forsendum og enn er hægt að hætta. Ungliðahreyfingarnar hvetja alla sem mögulega geta til þess að mæta á mótmæli Reykvíkinga fyrir framan ráðhúsið, klukkan 11.45 á morgun fimmtudag, og koma skoðun sinni á þessu athæfi á framfæri áður en fundur borgarstjórnar hefst.

Þá er komið svar frá Birni Bjarnasyni við fyrirspurn minni.

Í ljósi mikilla vinsælda þess að gefa ráðherrum gjafir fyrir þessi áramót buðu Ung vinstri græn ráðherrum að mæta á skrifstofu Vinstrihreyfingarinnar – græns framboðs, að Suðurgötu 3 milli 12-13 á gamlársdag, og taka á móti gjöf frá ungliðahreyfingunni.

Einn ráðherra kom og tók við gjöfinni, Kristján Möller samgöngumálaráðherra, sem sagðist ekki hafa dottið annað í hug en að kíkja við og þiggja gjöfina.

Ung vinstri-græn vona að ráðherrar vorir, sem og aðrir landsmenn, hafi notið áramótanna með fjölskyldum sínum, drukkið hóflega af víni en umfram allt tendrað ljós og hugsað fallega til björgunarsveitanna sem byggja afkomu sína á sölu flugelda.