Auður í allra þágu….

Að Sjálfsögðu var byrjað á því að fá sér bjór í Leifsstöð. Við flugum klukkan 1 eftir miðnætti og lentum í Köben klukkan 6 að morgni að dönskum tíma. Þegar við komum á hostelið okkar kom í ljós smávegis misskilningur, þ.e. við máttum ekki bóka okkur inn fyrr en klukkan fjögur. Við nýttum að sjálfsögðu tímann til að skoða okkur um og sleikja sólin en vorum orðin ansi þreytt þegar við bókuðum okkur loksins inn, enda ekki búin að sofa í um 30 tíma.

Það verður að viðurkennast að ég varð pínu uggandi þegar ég kom inn í stigaganginn á hostelinu, ekki hinn snyrtilegasti í heimi en gistiaðstaðan var hin prýðilegasta.

Við tókum að sjálfsöðu íslenska pakkann í ferðinni - almennt búðarölt, tívolíferð, röltum upp í Sívala turninn o.s.frv.

Einna skemmtilegast var þó að fara í matarboð til Jakobs og Britt. Við Freyr kynntum Jakobi bæði á Norðurlandsráðsþingi - þó í sitt hvoru lagi. Ég gleymi aldrei hvað ég hló mikið þegar að ég spjallaði við Jakob á fyrsta þinginu mínu og hann sagðist þekkja einn Íslending, Frey Rögnvaldsson, og spurði hvort ég þekkti hann.

Það var vel tekið á móti okkur, íslenski og danski fáninn á hurðinni og Gleðibankinn ómaði þegar við stigum inn.

Jæja! Við hjónin tókum spontant ákvörðun um að skella okkur til Köben í nótt. Nú vantar okkur bara gistingu um helgina…..

Sólin skín sem aldrei fyrr og ég er heima með barn sem þóttist vera ofboðslega veikt í gær og í nótt EN eftir að ég var búin að taka ákvörðun um að vera heima við í dag og tilkynna það virðist Freyja furðulega spræk. Ég þori samt ekki öðru en að halda henni heima.

Annars fór ég að fordæmi hins hörkukvendisins í Norðurmýrinni og byrjaði að hvetja Freyju til að klippa “dudduna” sína og notaði Ólínu grimmt sem fordæmi. Það tók nú ekki meiri hvatningu en svo að hún heimtaði að fá skærin daginn eftir og er nú búin að vera hátt í viku án snuðsins.

Ég get ekki annað en velt fyrir mér afhverju í ósköpunum enginn þingmaður Samfylkingar eða Sjálfstæðisflokks kaus með breytingartillögu VG við grunnskólalögin sem fól í sér að bætt yrði við lögin:

„Í námskrá og starfi grunnskóla skal enn fremur tekið mið af aukinni fjölbreytni hvað varðar menningarlegan og trúarlegan bakgrunn nemenda. Hvers kyns trúarleg innræting er óheimil. Fræðsla um trúarlega arfleifð íslenskrar menningar og um mismunandi trúarbrögð skal virða rétt manna til trúfrelsis og trúleysis, með það að markmiði að auka þekkingu, umburðarlyndi, skilning og virðingu milli ólíkra trúar- og menningarheima.“