Auður í allra þágu….

Æ… ég hef víst misskilið þetta allt saman. Það að ákveðið Samfylkingar fólk segist vilja kjósa en hætti svo við eftir ræðu formanns flokksins er að sjálfsögðu ekkert tengt foringjadýrkun né tregðu við að stíga niður úr fílabeinsturninum. Nei! það tengist bara því að stjórnarherrar okkar og frúr vilja eiga náðuga aðventu.

P.s.
Hins vegar er ekki hægt að misskilja Möggu P sem flutti þrusu ræðu á borgarafundinum í kvöld. Hún var svo flott! Hér sést hún stílísera Jón Sigurðsson.

Á morgun fara fram umræður um vantrausttillögu á ríkisstjórnina. Sjálfstæðisflokkurinn vill að sjálfsögðu ekki leyfa þjóðinni að segja sitt, enda hefur flokkurinn spilað rassinn úr buxunum og fylgi flokksins er í sögulegu lágmarki. Ingibjörg Sólrún Gísladóttir, formaður Samfylkingarinnar, segir fráleitt að boða til kosninga. Það verður því spennandi að fylgjast með hvort þeir þingmenn og ráðherrar Samfylkingarinnar sem hafa tjáð sig vilja kosningar eru jafn firrtir í valdagræðgi og foringjadýrkun og ég óttast.