Nafnlaus

Þegar ég yfirgaf heimili mitt laust upp úr hádegi á Skírdag þá voru tveir píparar að störfum inni á baðherberginu okkar. Ferð minni var heitið á Akranes þar sem ég dvaldi yfir Páskana. Ég snéri aftur að kvöldi Páskadags. Þá voru pípararnir fyrir löngu á bak og burt, annar til útlanda og hinn út í buskann. Þeir skildur þó ekki við hálfklárað verk því mikil dýrð tók á móti mér þegar ég stakk höfðinu inn um baðherbergisdyrnar: Vaskur, sturta og rennandi vatn!

Síðan þá hef ég verið í sturtu. Núna fyrst er ég orðinn nægilega hreinn eftir sjö mánað sturtuleysi. Þvílík forrétindi að hafa sturtu heima hjá sér.

Ég vil þakka öllum þeim sem lögðu sitt að mörgum til þess að gera þessa sturtuferð að veruleika, sérstaklega vil ég þakka pabba, Árna Birni og Guðjóni. Án ykkar hefði þessi sturtuferð aldrei orðið að veruleika, án ykkar sæti ég við tölvuna og skrifaði um það hve vond lykt væri af mér.

Það hefur nú sannast að það getur borgað sig að væla opinberlega.

Um daginn var ég að væla yfir píparaleysi og vonleysi í baðherbergismálum. Ég bjóst ekki við að það skilaði árangri, þetta var meira vælsins vegna.

Annas og Bragi vorkenndu mér þó það mikið að þeir redduðu mér báðir pípara. Bragi lagði meira að segja svo mikið á sig til að hugga mig að hann flutti inn pípara frá Englandi. Vonlaus leit að pípari var því orðin að vali á milli tveggja. Ég valdi píparan hans Braga þar sem hann hafði verið fluttur sérstaklega inn.

Ég þakka ykkur kærlega fyrir umhyggjuna, Annas og Bragi

Nú sit ég á kaffihúsi í miðborg Reykjavíkur. Fyrir framan mig er Apple Ibook tölvan mín. Við hægrihönd er kaffibolli uppfullur af úrvalskaffi. Ég er að blogga. Sjitt, ég töff.

Dagarnir eru stundum svo stuttir að ég þarf að fara niður á hnén til að horfast í augu við þá.

Píparinn sem ég hélt að ég hefði ráðið til þess að ganga frá baðherberginu tjáði mér í dag að hann gæti það ekki. Hann var þá búinn að draga mig á asnaeyrunum í þrjár vikur. Mig vantar því pípara, og það sem fyrst. Hjálp!

Mér fannst aprílgabb NFS vera mun betra en það hjá Sjónvarpinu, sem var eiginlega pínulítið hallærislegt. Þeir á NFS hefðu þó mátt sleppa því að blanda Stuðmönnum saman við þetta. Það verður allt hálf pínulítið hallærislegt sem þeir koma nálægt.

Ég reyndi ekki að gabba neinn og enginn gabbaði mig. Það er miður.

Á undanförnum árum hefur skotið upp kollinum hópur fólks sem kallar sig “nútímalega jafnaðarmenn”. Flestir eru eflaust að velta því fyrir sér fyrir hvað sá hópur stendur og hvað þau meina. Sjálfur er ég langt frá því að skilja þetta fyrirbæri en get þó deilt með ykkur eftirfarndi orðskýringum úr orðabók nútímalega jafnaðarmannsins:

+Nútímalegur jafnaðarmaður = Íhaldsmaður í með rautt bindi sem hefur tileinkað sér orðræðu félagshyggjufólks

+Hugsjónir = Niðurstöður skoðannakannanna hverju sinni

+Stefnumótun = Semja spurningar fyrir skoðannakönnun

+Megintilgangur = Að standa vörð um miðjuna

+Velferðarkerfi = Kerfi sem hjálpar þeim sem minna meiga sín ef þeir sækja um það og gera sér grein fyrir kostnaði þjóðfélagsins við hjálpina

+Að hlutgera konur (nektardans) = Pínulítið hallærislegt