Svartur dagur í sögu Stúdentaráðs?

Heyrst hefur að brestir séu komnir í samstarf Röskvu og Vöku í Stúdentaráði. Brestirnir munu vera svo alvarlegir að sjálfur formaður ráðsins mun hafa talað um svartan dag í sögu Stúdentaráðs. Deilan ku snúast um það hver hefði átt að redda kókinu með pylsunum í nýnemavikunni.

Fulltrúar Vöku í Stúdentaráði í fyrra lýstu mér sem friðarhöfðinga. Ég er tilbúinn að standa undir þeirri göfugu lýsingu og býð því hér með fram aðstoð mína að leysa úr deilunni um kókið og berja í brestina.

Það hefur verið frábært að fylgjast með því góða starfi sem samvinna Vöku og Röskvu í Stúdentaráði hefur leitt af sér. Það væri því synd að sjá það verða að engu vegna nokkurra kókdósa. Ef svo yrði þá væri hægt að tala um Svartan dag í sögu Stúdentaráðs.

Category: Stjórnmál

6 Responses to “Svartur dagur í sögu Stúdentaráðs?”

  1. Hannibal
    September 21st, 2006 at 12:29

    Þetta er svona þegar menn taka ekki fram hvort kókið eigi að vera svart eða hvítt… Menn verða að passa sig á þessu
  2. Ballanzinn
    September 21st, 2006 at 12:31

    Segðu mér að mér bara yfirsjáist… er enginn tengill á http://setjan.com hérna?
  3. Elías Jón
    September 21st, 2006 at 12:41

    Hann mun koma undir annað… sem er óklárað
  4. Eva María
    September 21st, 2006 at 14:12

    Nei Elías, þetta er nú ekki alveg rétt hjá þér…
    Þetta var spurning um Coke eða Pepsi. Við skulum vera með staðreyndir á hreinu.
    Friðarhöfðinginn leggur kannski til að það verði gefið vatn á Októberfest, hitt er alltof flókið :)

  5. Elías Jón
    September 21st, 2006 at 14:24

    Heimildarmaður minn hefur greinilega einfaldað málið ansi mikið fyrir mér.

    Já það er fínt að gefa vatn á Októberfest. En ég legg til að þar verði jafnframt seldur bjór.
  6. Stefán Bogi
    September 22nd, 2006 at 16:05

    Getum við ekki notað Pepsi eða Kók?

    Hættu nú alveg! Pepsi eða Kók…

    Hvað er að Pepsi eða Kók??

    Uppköst. Niðurgangur. Höfuðverkur. Hiksti…

↑ Back to top