Elías Jón

Ég vil ekki heyra einu orði minnst á umferð, bíla, umferðarmannvirki, vegi, vegaframkvæmdir, gatnamót, umferðarteppu né nokkuð sem á eitthvað efnislega skilt við þetta. Ég held að þetta sé orðið gott. Munið bara S-in þrjú.

Það eru bjartir tímar framundan. Veiði um helgina og svo ferð um hálendið helgina þar á eftir. Það er að segja ef það verður ekki búið að virkja ánna og sökkva hálendinu.

Afhverju ættum við að stoppa við það að skylda þingmenn(af karlkyni) til að bera hálstau í þingsal Alþingis? Við ættum aðvitað að fara alla leið og láta alla þingmenn(af öllum kynum) klæðast sérstökum þingmannabúningum í lit síns flokks. Svo gætum við líka sett reglur um staðlaða hárgreiðslu og staðlaðan orðaforða þingmanna(af báðum kynum).

Ég er viss um að Sigurður Kári Kristjánsson og aðrir þingmenn Sjálfsstæðisflokksins taka undir þessar hugmyndir, enda eru þær dæmi um miðstýringu sem miðar þær að því að afmá séreinkenni einstaklinganna. Allir í sama mótið!