Orð í tíma töluð

Jólabókaflóðið skall á heimilinu við mikinn fögnuð íbúanna. Er að klára að lesa Þriðja táknið eftir Yrsu Sigurðardóttur, ágætis spennusaga þar á ferð. Hakkaði í mig Bjargið okkur eftir Hugleik (ógeðslegasta bókin hingað til) og Dáið er allt án drauma - úrval ljóða eftir Halldór Laxness. Tími Nornarinnar e. Árna Þórarinsson og nýjasta Artemis Fowl bókin eru næst á listanum, einnig Lífsloginn e. Björn Þorláksson og bókin með… tjah, flókna titlinum: Framtíð lýðræðis á tímum hnattvæðingar.
Nóg að lesa, en ég er ekki búin að svo mikið sem gjóa augunum til skólabókanna. Er hins vegar búin að lesa JCS-handritið yfir einu sinni. Önnur umferð í kvöld og heimspeki á morgunn. Ég verð, má ekki bregðast SÓ…

Annars er bara góð jólastemming hér á hjara veraldar. Freyja Sigrún lýsir upp skammdegið með tilveru sinni og það er varla annað á boðstólum en kökur. Bara að jólafríið væri lengra…

Ég óska vinum og vandamönnum gleðilegra jóla og farsæls komandi árs. Ég þakka líka af öllu hjarta góðar stundir á liðnu ári. Ég sendi engin jólakort í ár, en lofa að standa mig betur á næsta ári… hvar svo sem ég verð stödd í heiminum þá…

Þar sem að talvan heima er drasl og búin að slökkva tvisvar á sér í miðjum prýðis pistli, þá verður bloggið ekki lengra í þetta skiptið, sökum þolinmæðiskorts. Hef ákveðið að nýta tíma minn betur… í að lesa eitthvað af jólabókunum!
Verið góð hvort við annað um jólin.

Bestu kveðjur,
Steinunn

„Every time I look at you I don’t understand…

why you let the things you did get so out of hand?”

(Úr Jesus Christ Superstar (Judas) )

1. Ég segi þér eikkað handahófskennt um þig

2. Ég segi þér hvaða lag/mynd minnir mig á þig

3. Ég segi þér hvaða bragð minnir mig á þig

4 Ég segi þér fyrstu ljósu minninguna mína af þér

5. Ég segi þér á hvaða dýr þú minnir mig á

6. Ég spyr þig að einhverju sem ég hef velt lengi fyrir mér um þig

7. Ef þú lest þetta verðuru að setja þetta á bloggið þitt! (ekki nauðsynlegt að mínu mati).

Ég er að rúlla upp carminugreinunum. Ég er mjög ánægð með greinarnar Ingu Völu og Jóa, en Styrmir er eitthvaða að bögglast fyrir mér. Klára hann í kvöld. Addi skrifaði mína og gerði það vel. Ég hlakka líka til að sjá myndina sem Helgi Vilberg er að teikna af mér.
Helgin var spennufall eftir Muninn og þar af leiðandi lítið gert. Kom því samt í verk að pakka inn jólagjöfum, skrifa þessar 2 greinar og sjá King Kong með Sindra, sem er góð mynd og vel gerð en stenst samt ekki væntingar. Held ég sé sammála Sindra um að hún sé of löng. Það er líka of mikið af risaeðlubardögum og kynjadýrum að éta menn lifandi fyrir minn smekk. Held samt að Adrien Brody sé fallegasti maður í heimi. Nei held ekki, veit!
Svo var jólakvöldmatur í Þórunnarstrætinu í gær. Íbúar + Ævar Þór gæddu sér þar á hamborgarahrygg í boði Kjarnafæðis, nota bene kjötið sem ég jogglaði með fyrir Muninsauglýsinguna, mmmmm. Svo er það sveitin kæra á morgunn, djöfull verð ég fegin. Ef ég má ráða mun minn töluvertminnirasseníágúst (Muninn er besta megrun sem ég hef verið í… og ég var ekki einu sinni að reyna að léttast!) ekki þokast útaf landareigninni fyrr en á næsta ári. Í mesta lagi yfir í kirkjugarðinn á Flugumýri eins og alltaf á aðfangadag.

Það eru bara góðir hlutir í gangi. Muninn búinn, kórinn búinn, Jesus Christ Superstar í kvöld og ég er að fara að vinna á bókasafninu núna. Man, it’s good to be back!

Jólablað Munins er komið út.

Þar af leiðandi get ég nú dáið glöð manneskja.

(more…)