Orð í tíma töluð

Nýtt í mínum eyrum - 10 bestu:

Bloodgroup
Nine Inch Nails
Tori Amos
Wilco
Queens of the Stone Age
Eva Cassidy
Ani DiFranco
Led Zeppelin
Jethro Tull
The Knife

Gamalt og gott - 10 mest hlustað á:

Alanis Morisette
The Kinks
Deep Purple
The Shadows
Police
Interpol
Björk
Leaves
PJ Harvey
Skunk Anansie

Tíu eftirminnilegustu lögin:

Refavísur - Dýrin í Hálsaskógi
Past the Mission - Tori Amos
Razzle Dassle - Deep Purple
Babe, I’m gonna leave you - Led Zeppelin
It doesn’t matter anymore - Eva Cassidy
That particular Time - Alanis Morisette
Wicked little Town - úr söngleiknum Hedwig and the Angry Inch
All the Love in the World - Nine Inch Nails
Moving like a Tiger - Bloodgroup
Me and a Gun - Tori Amos

Næsta ár panta ég löng jól, ekki síðasta próf 21 des og vinnu 27. des. Já, og ekki ritgerð sem á að skila 2. janúar. Foj.

Stuttu jólin voru samt mjög góð. Yndislegt að komast heim í sveit og þrífa og skreyta og baka piparkökur. Dásamlegur matur og gríðarlega skemmtilegar gjafir. Sérstök verðlaun fá Inga Vala og Kristján Ketill fyrir að gefa mér sömu múmínálfabókina, óumbeðna, en alveg einstaklega skemmtilega. Það veit bara á gott þegar að besta vinkonan frá 0 ára aldri og kærastinn manns eru á sömu nótum.

—————————————————————————————————————
Undir jólatrénu leyndist líka frumraun snillinganna í Bloodgroup, Sticky Situation. Hann er nú stöðugt í spilun, en hálferfitt að læra við hann því mig langar bara að hoppa og dansa við hann, ekki vitundarögn að læra. Ekki er mikið betra að hlusta á Mugiboogie hans Mugisons, líka alltof skemmtileg tónlist til að ég geti einbeitt mér að hnattvæðingu. Þetta eru hálfgerð vandræði.

—————————————————————————————————————
Og bíddu nú við, er eðlilegt að fyrirtæki gefi ráðherrum jólagjafir? Sér í lagi fjármálarisar? WTF???

Stolin frétt af vísi.is:

“Ég er ekki sammála áliti nefndarinnar,” segir Árni Matthiesen sem í dag skipaði Þorstein Davíðsson dómara við Héraðsdóm Austurlands og Héraðsdóm Norðurlands eystri , þvert á álit nefndar sem falið var að kanna hæfi þeirra fimm umsækjenda sem voru um stöðuna. Af þessum fimm taldi nefndin þrjá umsækjendur hæfari en Þorstein.

Einn nefndarmann lýsti furðu sinni á þessu í samtali við Vísi í dag.

Þegar Vísir bað Árna um að rökstyðja ákvörðun sína sagði hann að Þorsteinn Davíðsson hefði að hans mati “fjölþættari reynslu á þeim sviðum sem skipta máli í þessu”

Aðspurður hvaða reynslu hann ætti við svaraði Árni: “Ja, meðal annars störf hans sem aðstoðarmaður dómsmálaráðherra.”

Hann undirstrikaði að það væri dómsmálaráðherra sem skipaði í stöðuna en hlutverk nefndarinnar væri aðeins að gefa álit.

——————————-

Sagði einhver spilling?
Af hverju leggja Sjálfstæðismenn bara ekki þessa blessuðu nefnd niður, þeim er svo augljóslega sama um hvað hún segir. Flokksskírteinið og fjölskyldutengslin skulu ráða!

Eins og Hildi Eddu, finnst mér jólakort Feministafélagsins þar sem að Askasleikir óskar sér að karlar hættu að nauðga, frekar köld kveðja fyrir jólakort.

Ég get þó algerlega tekið undir með Askasleiki.

Ég óska mér líka að karlar hætti að nauðga.

Ég óska mér bara einfaldlega að allir, hvers kyns sem þeir eru, hætti að beita aðra ofbeldi.

En mikið innilega er vitlaus hvað allir verða snar af því að það má ekki tala um nauðganir í kringum jólin. Af hverju ekki? Jú, jólin eru gleðihátíð, hvernig koma nauðganir jólunum við??? - er svarið sem ég fæ.

En hvernig ætli fórnarlömbum nauðgana líði um jólin, á gleðihátíðinni miklu?

Og ætli engum sé nauðgað um jólin, neins staðar? Taka ofbeldismenn sér bara frí um jólin?

Spáum aðeins í því.

Samkvæmt fréttum RÚV hefur sóknarprestinum á prestsetrinu Skeggjastöðum í Bakkafirði verið sagt upp jarðnæðinu og barst henni bréf þess efnis nú nokkurm dögum fyrir jól. Það á víst að leggja niður prestssetrið og 6 manna fjölskyldan sem þar býr þarf að fara af jörðinni innan nokkurra mánaða (en þó ekki fyrr en annað húsnæði, sem Kirkjuþing hefur ákveðið að eigi að vera í Þorlákshöfn, hefur verið fundið). Fjölskyldan hefur stundað búskap á jörðinni og notið hlunninda hennar, eins og æðarvarps og laxveiði.

Þetta slær mig. Að fara af jörð eins og þessari er ekki bara eins og að flytja í næsta hús eða úr Miðbænum í Vesturbæinn. Ég veit ekki allar nákvæmar staðreyndir, en fyrst það er tekið fram að fjölskyldan hafi stundað búskap á jörðinni er líklegt að þau hafi lífsviðurværi sitt af búskap, það sé starf þeirra (auk preststarfsins) og lífsstíll. Og svo eiga þau bara að rífa sig upp, skilja eftir starfið, lífsviðurværið, heimilið og lífsstílinn. Fyrir utan skyldurnar, fjárfestingarnar og tilfinningarnar sem felast í því að stunda búskap, það getur ekki verið þægilgegt að fá bara bréf einn daginn þar sem manni er sagt að taka sínar föggur og fara. Ekki þægilegt, er vægt til orða tekið, ég get ekki ímyndað mér annað en það sé hreint útsagt hræðileg og sársaukafull tilfinning.

Og hvað ætlar þjóðkirkjan að gera við jörðina? Á að leigja hana út, öðrum en þeim sem nú búa á henni og stunda sinn búskap? Það er meira en lítið einkennilegt að það skuli þurfa að fara svona að. Eða hvað á annars að gera við jörðina? Og skiptir það engu máli að fólk sé að missa lífsviðurværi sitt og atvinnu? Ábúendur á sjö öðrum jörðum kirkjunnar hafa fengið svipuð tilmæli um að hverfa af heimilum sínum og búa sér ný, og ég verð að segja að mér finnst þetta ísköld kveðja til þjóna kirkjunnar nú nokkrum dögum fyrir jólahátíðina.

Og verðlaunin fyrir að vera leiðinlegasta námsefnið hlýtur Max Weber!

Freyr kom á skriðdrekanum sínum og skutlaðist með mig í Bónus. Nú á ég mat og er búin að redda öllum jólagjöfunum (nema hálfri, skrepp útí bóksölu á næstu dögum og redda því). Fyrir þau sem vilja gefa mér jólagjafir eru tígris-svín, vörur frá Body-Shop, hlý ullarföt og lærdómsrit hins íslenska bókmenntafélags í sérstöku uppáhaldi. Nexus lumar líka alltaf á einhverju skemmtilegu.

Eftir þessa dauða-próftíð taka við stutt jól. 4 dagar í sveitinni og svo aftur suður að vinna og skrifa ritgerð. Áramótin verða sérstök, þetta verður í fyrsta skiptið sem ég verð ekki heima í sveit. Það er eiginlega frekar ömurlegt, sem setur aukna pressu á fólkið sem ég ætla að hanga með á gamlárskvöld, eins gott fyrir þau að vera skemmtileg.

Hins vegar er ég búin að panta mér flug til Akureyrar þriðjudagsmorguninn áttunda janúar. Ég óska þess vegna eftir einnar nætur gistingu einhvers staðar í höfuðstað Norðurlands (tilboðum skal skilað inn annars staðar en í kommentadraslinu, það er bilað).

Þaðan fer ég svo heim í sveit og kjamsa á afgangsjólasmákökunum ef þær verða einhverjar, þangað til skólinn byrjar 14. jan.

En fyrst er að klára þessi satans próf…

E.S. Við skulum nú ekki gera of mikið úr því hvað Weber er leiðinlegur. Þetta er þó flott:

“Certainly all historical experience confirms the truth - that man would not have attained the possible unless time and again he had reached out for the impossible. But to do that a man must be a leader, and not only a leader but a hero as well, in a very sober sense of the word. And even those who are neither leaders nor heroes must arm themselves with that steadfastness of heart which can brave even the crumbling of all hopes. This is necessary right now, or else men will not be able to attain even that which is possible today. Only he has the calling for politics who is sure that he shall not crumble when the world from his point of view is too stupid or too base for what he wants to offer. Only he who in the face of all this can say “In spite of all!” has the calling for politics.”

Þegar það kemur óveður, stormviðvaranir eru sendar út, ég sef ekki heilu og hálfu næturnar fyrir roki og þori helst ekki útúr húsi af ótta við að ég fjúki útí buskann eins og amma Klifurmús, þá einmitt vill svo til að það er ekkert til að éta á heimilinu. Nema kartöflur, ostbiti, pepperóní sem að Kristján Ketill á raunar, og bjór. Fussumsvei.

Einhver til í að lána mér skriðdreka svo ég komist í Bónus?
Björn?

Nú skulum við öll standa upp og klappa fyrir formanni Framsóknarflokksins, sem finnst eðlilegt að setja fermingarfræðslu (sem ég held að enginn geti neitað að er trúarleg innræting) á skólatíma undir sama hatt og að grunnskólabörn fái að fara útí sveit og sjá litlu lömbin, já eða í fjöruferð að týna skeljar. Enda sjá allir að þetta er nánast sami hluturinn. Eru trúleysingjar kannski líka á móti lömbum?

“Allir kannast við frásögn Biblíunnar, þegar Kristur velti borðum víxlaranna, og rak þá útúr helgidómnum. Nú skal kennsluborðum kristninnar verða velt og hún gerð brottræk úr helgidómi íslenskra menntastofnana…”

Er þetta ekki svolítið óheppilega orðað hjá Guðna? Það virðist jú samkvæmt þessu bara vera í anda Jesú sjálfs, sem trúboðsborðum er velt útúr helgidómi menntunar á Íslandi.

Enda var Jesú svosem fínn gaur. Skil alla vega vel að hann hafi verið á móti víxlurum. Hann væri allavega örugglega ekki sammála menntamálaráðherra, dómsmálaráðherra og formanni Framsóknarflokksins, að það sé válegt eða hættulegt að tekið sé “of mikið” tillit til minnihlutahópa saklausra barna í íslensku skólakerfi.

E.S. Fyndnar eru tilraunir spunameistara til að halda því fram að Þorgerður Katrín hafi farið halloka fyrir Guðna í Kastljósinu í kvöld. Ég er engin aðdáandi ÞKG, og var ósammála mörgu sem hún sagði í kvöld, eins og venjulega. Það verður hins vegar ekki af henni tekið, að hún pakkaði Guðna inn og batt á hann slaufu í þættinum í kvöld. Sigmar Guðmundsson spyrill fær prik fyrir að níðast jafnt á þeim báðum.

E.E.S. Mæli með þessari grein.

Mig langar í Tígris-svín í jólagjöf!!!

Viðeigandi

(Fyrir Þórhildi og Ella)