Orð í tíma töluð

Arnbjörg Sveinsdóttir þingflokksformaður Sjálfstæðisflokksins sagðist í Kastljósinu áðan (til varnar menntamálaráðherra og ferðalagi hennar til Kína í annað skiptið, á kostnað skattgreiðenda) hafa heyrt að það hefði skipt strákana okkar miklu máli að íþróttamálaráðherra mætti á svæðið.

Nú (og ekki grýta mig fyrir að segja það, þetta er bara sannleikur og ég elska strákana líka, í alvöru) skíttapaði íslenska liðið leiknum.

Svo miklu máli skipti vera Þorgerðar Katrínar þá. Við verðum að passa að hún sleppi ekki út næst þegar strákarnir keppa, annars fá þeir aldrei gull.

——————————————————————————-

Ég er flutt einu sinni enn. Smá tölfræði: Síðan ég fór að heiman 16 ára fyrir 6 árum hef ég flutt 11 sinnum. Og það er orðið svoldið þreytandi. En þessi íbúð er fín, gluggar snúa að vísu útað bílastæðinu sem er ekki neitt brjálæðislega skemmtó, en það gerðu þeir líka á síðustu tveimur íbúðum svo ég sætti mig við þetta. Ég er búin að flytja mitt dót og skila lyklunum, Kristján kemur með restina af sínu dóti um helgina þegar ég verð að eltast við rollur á norðlenskum fjöllum.
Svo eru það bara síðustu vinnudagarnir, fyrstu skóladagarnir, ferðir í Ikea, Góða hirðirinn, Sorpu, Rauða krossinn og nefndu það. Endurskipulagning á félagsmálaþátttökunni er í gangi, byrjuð á grunnskipulagningu á BA-ritgerð, hver vill vera memm í heimalærdómshópi í vetur? Á kona að drullast til að fara í ræktina? Á ég að vinna með skóla og það sem meira er, hvar ætti ég að vinna með skóla? Valkvíðinn er í algleymingi, en ég sporðrenni honum eins og vöfflu með rjóma og læt þetta einhvern veginn fljóta áfram af sjálfu sér. Þetta reddast allt.

Stutt tilkynning:

Næstu daga stend ég í flutningum. Í stuttu máli, þá nenni ég ekki að flytja með annarra drasl með mér og heldur ekki að flytja ekki með allt draslið mitt með mér.

Svo…

ef þú átt eitthvað sem ég er með í láni eða ef ég á eitthvað sem þú ert með í láni, þá vil ég gjarnan að hlutirnir kæmust til réttmætra eigenda sinna á allra næstu dögum.

Síminn minn er 8475601, hafið samband ef þetta á við ykkur.

Strætó bs er að reyna að neyða mig til að skipta um lögheimili, og færa það til þessarar rugluborgar. Ég á nóg með að skammast mín fyrir stjórnvöldin á Íslandi, þó svo ég fari ekki að skammast mín fyrir stjórnvöldin í mínu sveitarfélagi líka þannig að ég er ekki spennt fyrir því. En öðruvísi fæ ég ekki frítt í strætó þannig að það endar líklega með að ég gerist rugluborgarbúi. Strætókrónurnar eru nefnilega dýrmætar fyrir fátæka námsmenn.

Ok, ég verð að segja nokkur orð um handboltann á Ólympíuleikunum.

Í fyrsta lagi, HVAÐ ER MEÐ ÞESSA HONKÍ TONK TÓNLIST Á MILLI MARKA??? Vill einhver gjöra svo vel að taka þennan geisladisk og troða honum uppí #&%$! á DJ-inum! Takk fyrir.

Í öðru lagi, hvað er líka með þessi krakkarassgöt hoppandi eins og þau séu á spítti og uppum alla leikmenn og dómara fyrir leiki? Held að Kínverjar séu að fara skjóta langt yfir markið í krúttisma-ímyndasmíðinni.

Í þriðja lagi, hvað eru menn að væla yfir dómgæslunni í Ísland-Danmörk leiknum? Þessir sænsku dómarar voru ótrúlegir, þeir sáu allt og létu menn ekki komast upp með neitt kjaftæði. Þeir gerðu sín stærstu mistök þegar að þeir sendu Loga Geirsson útaf með rautt spjald í stað tveggja mínútna brottvísunar, feill sem líklega má rekja til leikaraskap danska liðsins (svo má rökræða um það hvort það sé mesti missirinn af Loga Geirssyni af leikmönnum íslenska landsliðsins). En só vott, karma sá um danskinn og sænsku dómararnir tóku ekkert vægar á þeim eins og sannaðist í lok leiks. Miðað við það sem ég sá af leiknum við Egypta í nótt þá voru sænsku dómararnir að standa sig betur en þeir rúmensku og samt er ekkert opinbert væl í gangi um að rúmensku dómararnir séu í verslunarferðum í Egyptalandi. Óþolandi væl.

Í fjórða lagi, ég hata gestgjafaregluna. Hugsið ykkur bara hvað það hefði miklu betra lið en Kínverjar getað keppt í A-riðlinum í handboltanum, lið sem hefði jafnvel getað komist í 8 liða úrslit, en nei, útaf því að þeir halda keppnina koma þeir hvaða slúbbertum sem er inní allar greinar? Hvað í ósköpunum er íþróttamannslegt við þetta, að taka gestgjafaþjóðina inn á kostnað einhverra sem eru exjúlí keppnishæfir?

Í síðasta og jákvæðasta lagi, djöfull eru strákarnir okkar flottir í Kína! Hlakka til að fylgjast með þeim í átta liða úrslitunum.

E.S. Textalýsingarnar á mbl.is eru kostulegar: ”
Nú þarf Ísland að fara að rífa sig upp af rassgatinu ætli þeir sér að fá eitthvað út úr þessum leik!” Meira svona eitthvað um rassgöt á mbl.is, það er einmitt það sem þarf…

Hvernig tengist mynd af blautum stelpum því að einhver sé að reyna að auglýsa íbúð með stjúpföður til sölu?

Ekki er öll vitleysan eins - vitleysan er afar fjölbreytt.

Komin af fjöllum, reynslunni ríkari, eldri og sárfættari. Laugarvegurinn var yndislega fallegur, set inn myndir við tækifæri. Eitthvað hefur borið á að fólk hafi reynt að senda mér sms á afmælisdaginn minn sem ekki komust til skila þar sem að síminn minn er með einhverja stæla og virðist ekki geyma sms sem ég fæ send þegar ég er utan þjónustusvæðis eða með slökkt á símanum (ég er búin að hringja í NOVA og biðja um að þetta verði lagað). Þannig að ef ég svaraði ekki sms-um, ekki vera sár, og takk fyrir allar kveðjurnar. Fésbókin rúlar samt mest, mín biðu um 25 kveðjur á henni þegar ég kom heim í gær. Ég varð bara hrærð.

Við Kristján erum búin að fá úthlutað paríbúð og flytjum í næstu götu 25 ágúst!

Og á morgun og næstu 3 daga ætlum við að labba Laugaveginn.

Ég verð því líklega ekki í símasambandi á afmælinu mínu á laugardaginn en vona að ég muni finna fyrir hlýjum hugsunum þegar ég verð að paufast uppá hálendinu þann níunda ágúst.