Í dag býður samheitaorðabók fréttamanna Morgunblaðsins uppá umfjöllun um breytingar á heilbrigðisþjónustu Íslendinga þar sem jákvæða orðið “hagræðing” er notað í staðinn fyrir neikvæða orðið “niðurskurður”.
Jájá, kúkur eða skítur, við erum bara að tala um 1300 milljónir króna. Alveg hægt að hagræða þeim, þetta er náttúrulega bara fundið fé sem hefur legið á glámbekk í heilbrigðisráðuneytinu þar sem allir svömluðu um í peningum fyrir.
Þetta á ekkert skylt við niðurskurð, er það nokkuð?
Og við skulum ekki láta okkur detta í hug að þessu fylgi þjónustuskerðing, onei…