Það er greinilegt að minnsta kosti einn borgarstarfsmaður les bloggið mitt
því það var búið að slökkva á gosbrunninum þegar ég labbaði heim í gær.
Vá, heppin ég!
Annars er Þórunn flutt inn með búslóðina sína
og öll fötin sín.
Svo íbúðin er að springa þar sem Sverrir á eftir að taka slatta í viðbót.
Þannig við erum opinberlega orðnar “rum-mates”
En það verður ekkert partý fyrr en eftir landsfund UVG á Akureyri um helgina
og þegar það er búið að grysja stofuna.
*mig farið að lengja eftir þessu interneti*
Þórhildur Uncategorized
Getur ekki einhver slökkt á þessum helvítis gosbrunni í tjörninni?
Þetta frussast út um allt í rokinu.
- hefur þetta lið í Óráðshúsinu einhvern tímann þefað af þessum mengunarpytt sem tjörnin er orðin, hvað þá smakkað án þess að hafa fengið neinu um það ráðið?
Ég get ekki hugsað annað en;
saurgerlar
saurgerlar
saurgerlar,
þegar ég fer upp í Háskóla og heim aftur.
Jakk!
Ég mæli með “Betlarar éta það sem býðst” eftir Hnakkus um atburði síðustu daga
- og þetta til léttra dægrastyttinga á þessum umrótatímum
*…maður er náttúrlega enginn Lárus Welding*
Þórhildur Uncategorized
Fékk stúdenta-strætókortið mitt í gær,
það tók mánuð að brjótast í gegnum þetta nýja fyrirkomulag.
Vei,
mikil gleði.
Reyndi að velja kjánalega mynd sem yrði samt samþykkt fyrir svo kjánalegt ferli,
sem tók ekki nema mánuð.
Annars er margt að gerast…
mjög slæm martröð
samdráttarbakstur, bara svona til að sýna samstöðu með Glitni
- þó aðeins ofan í sjálfa mig og Þórunni (ef hún telur þær ætar)
innflutningur Þórunnar á Baldursgötuna.
- já Sverrir er fluttur út.
Landsfundur UVG á Akureyri,
skólastúss
… og vonandi internet í lok vikunnar
*Samyrkjubú Bíbí og tófunnar tekur til starfa*
Þórhildur Uncategorized
Afhverju er dagurinn ekki svona c.a. 5 klukkutímum lengri?
Mig sárvantar þessa 5 klukkutíma til geta sofið almennilega.
Svefn er orðinn að algjörum lúxus og munaði
sem uppteknir, og ekki mjög fjáðir (þó að ég viti ekki alveg hvernig fjárhagurinn kemur málinu við), heimspekinemar
með stjórnarsetu-fíkn
og veikleika fyrir því að láta plata sig út á kvöldin í hitt og þetta,
hafa barasta ekkert efni á!
…þó það yrðu ekki nema 2-3 klukkutímar
anyone?
Þórhildur Uncategorized
Mikið finnst mér það leiðinlegt þegar maður er að hringja í hin og þessi þjónustuver og fær skell af léttapoppsdægurlagasulli í skelfilegum hljóðgæðum á hljóðhimnurnar á meðan maður bíður.
Ekki vanmeta þögnina
Annars bregðast konurnar í útbúi Glitnis upp á Skaga aldrei þegar kemur að almennilegheitum og aðstoð. Alveg nauðsynlegt að gefa þeim kredit fyrir það,
annars væri ég líklegast orðin nokkuð þungbúin þegar kemur að peningamálum mínum.
Eru ekki annars allir að fara að mæta á þetta næsta fimmtudag?
Dæmi um pikk-up línur sem gætu hugsanlega virkað á heimspekinema:
*ertu Hegelisti?*
*er núverandi konungur Frakka með hárkollu?*
*Cogito ergo sum - komdu með mér upp í rúm*
*Sko, samkvæmt Heidegger…*
Þórhildur Uncategorized
Helvítis óbragð af þessari tjörn…
Þórhildur Uncategorized
Ekkert nema fréttir af
verðbréfamörkuðum,
viðskiptum,
viðskiptahalla,
fjármálalægð,
viðskipta-og fjármálabraski
í sjónvarpsfréttunum kl 19:00
- æi kommon, þetta er svo leiðinlegt stöff,
hvað þá að fylla heilan fréttatíma af þessu.
Ágætt þá gat ég slökkt eftir 10 mínútur
*afhverju kemst viðskiptafræðin alltaf í sjónvarpið en ekki heimspekin? Er það útaf því að hún er betri í fótbolta?*
Þórhildur Uncategorized
Bögg
eins gott að hún er dauð…
Var að spá í páfanum,
þessi gaur er fáránlega vinsæll.
En afhverju í andskotanum er ekki búið að semja við ljósmæður?
Því það er hugsanlega möguleiki á því að það sé hægt að redda fæðingum með heitu vatni, handklæði og einhverju sem gefur frá sér sæmilega birtu…
tja alla vega í gamla daga.
Á meðan geta flugumferðstjórar fjárkúgað á korteri.
*afhverju eru sunnudagar svona slappir og óspennandi dagar? Breytist það eftir þrítugt?*
Þórhildur Uncategorized
Aldrei séð jafn marga menn í pilsum á 2 klukkutímum eins og í dag.
Skildu þeir allir vera með allt frjáls þarna undir.?
Maður bara svona spyr…
Ég er komin upp fyrir haus í lærdómi og finnst það bara nokkuð gaman.
Fyrir utan þetta verkefni sem ég skilaði áðan,
það var voða vont.
Ég er ekkert góð í að útskýra heimspekilegar skilgreiningar á ensku.
Humm…
svo það var kannski ekkert sniðugt hjá mér að kaupa 500 stykki um daginn?
Ég hef ekki lesið blöðin, séð fréttir eða skoðað fréttavefsíður að neinu ráði síðustu 4 eða 5 daga svo ég er svolítið úrelt í augnablikinu.
Afsakið mig á meðan ég bæti úr því.
*Svisslendingar, úr, öreindarafall og svarhol*
Þórhildur Uncategorized
Sökum huggulegheita þá verð ég að krækja í þessa færslu hjá henni Þórunni minni, verðandi rommate.
Takk fyrir æðislegt matarboð feminísku skvísurnar mínar.
Þær Laufey og Drífa sem eru ekki á myndinni vegna óviðráðanlegra aðstæðna
var sárt saknað.
Þórhildur Uncategorized